Blöndulína 3

Blöndulína 3 er í umhverfismatsskýrslu sögð eiga að tryggja stöðugleika raforkukerfisins á Norður- og Austurlandi auk þess að bæta orkunýtingu. Samkvæmt eigin greiningum Landsnets tryggir hinsvegar valkostur sem kallast H.2 í gildandi kerfisáætlun þennan stöðugleika, um leið og hann eykur tækifæri til jarðstrengja í meginflutningskerfinu fyrir norðan.

SUNN hefur alvarlegar athugasemdir við umhverfismatsskýrsluna og telur að hún uppfylli í nokkrum grundvallaratriðum alls ekki lög. SUNN telur þó sérstaka ástæðu til að fjalla um fólkvanginn í Hrauni sem friðlýst svæði, viðkvæma landslagsheild og mjög verðmætt útivistarsvæði, og er þá umfjöllun að finna í sérstökum kafla. Umsögn SUNN er opinber og aðgengileg almenningi og er hverjum sem er frjálst að vitna til hennar og gera sjónarmiðin að sínum.

Hér má finna umsögn SUNN í heild sinni.